Былы «мэр» Магілёва зладзіў ДТЗ?
60- 10.04.2013, 18:02
З непацверджанай інфармацыі, былы старшыня Магілёўскага гарвыканкама Віктар Шорыкаў, пазбаўлены пасведчання кіроўцы, учыніў ДТЗ.
Пра гэта сайту charter97.org паведаміў чытач.
«У мінулую пятніцу ў Магілёве ўчыніў ДТЗ былы старшыня гарвыканкама Віктар Шорыкаў. Ён быў моцна п'яны, кінуў пабіты джып і з'ехаў на тралейбусе. Пагаворваюць, што блізу года таму ён быў пазбаўлены пасведчання кіроўцы. Цяпер Шорыкаў працуе намеснікам дырэктара на заводзе «IKEA», - напісаў чытач сайта.
У УДАІ УУС Магілёўскага аблвыканкама сайту charter97.org заявілі, што «чуюць пра гэта ўпершыню».
«Па-першае, мы першы раз пра гэта чуем. А, па-другое, мы не даем каментароў з нагоды таго, якую пасаду займае чалавек, які ўчыніў ДТЗ», - сказалі ў ДАІ.