Здымак у інтэрнэце стаў падставай для распачынання справы
57- 10.04.2013, 20:13
Міліцыя распачала адміністрацыйную справу супраць актывістаў вёскі Бярозаўка Лідскага раёна, убачыўшы на сайце радыё «Рацыя» здымак іх акцыі ў Дзень Волі.
Міліцыянты ўжо апыталі актывістаў, але дату суду яшчэ не назвалі.
25 сакавіка ў Воранава ўшанавалі памяць генерала БНР Кіпрыяна Кандратовіча.
Са слоў актывіста Сяргея Трафімчыка, магілу генерала Кандратовіча, якая знаходзіцца недалёка ад праваслаўнай царквы ў Воранава, актывісты з розных гарадоў Беларусі наведваюць штогод, паведамляе «Радыё Свабода».
У гэтым годзе ў Дзень Волі ўсе, хто прыбіраў магілу генерала, ўскладаў кветкі і запальваў свечкі, разам сфатаграфаваліся з разгорнутым бел-чырвона-белым сцягам.
На могілках у той час, са слоў Трафімчыка, нікога не заўважылі. Але пасля таго як здымак з'явіўся ў інтэрнэце, актывістаў апыталі міліцыянты. Яны ж і сказалі актывістам, што на іх заведзеная адміністрацыйная справа - іх абвінавачваюць у правядзенні несанкцыянаванай акцыі.