«Авіяцыйнага дэбашыра» Кабалава выдалі Расеі

Беларусь выдала Расеі Сяргея Кабалава, які адшукваўся за дэбош у самалёце Масква - Хургада.

Пра гэта паведамляе «Эхо Москвы».

Нагадаем, Сяргей Кабалаў, аб'яўлены ў міжнародны вышук пасля хуліганства на борце пасажырскага самалёта, які ляцеў з Масквы ў Хургаду, больш за месяц хаваўся на тэрыторыі Беларусі. Ён прыбыў на тэрыторыю Беларусі ў канцы студзеня з тэрыторыі Украіны і быў затрыманы 7 сакавіка супрацоўнікамі крымінальнага вышуку МУС і УУС Гродзенскай вобласці. Затым Кабалаў знаходзіўся ў СІЗА Гродна.

Органамі следства Сяргей Кабалаў абвінавачваецца ў здзяйсненні злачынстваў, прадугледжаных ч.3 арт 30, п. «в» ч. 2 арт. 211 (замах на захоп паветранага судна ў мэтах згону, здзейснены з прымяненнем гвалту, небяспечнага для жыцця і здароўя, і з пагрозай прымянення такога гвалту), п. «а» ч. 2 арт 115 (наўмыснае прычыненне лёгкай шкоды здароўю, якая выклікала кароткачасовае расстройства здароўя, здзейсненае з хуліганскіх намераў) КК РФ.