Нацыянальны сцяг у гадавіну аварыі на Чарнобыльскай АЭС
4- 29.04.2013, 12:47
У Гомелі 27 красавіка каля пяці гадзін раніцы на мосце на скрыжаванні вуліц Савецкай і Яфрэмава невядомыя вывесілі бел-чырвона-белы сцяг.
Па сведчаннях відавочцаў, сцяг правісеў да дзесяці гадзін раніцы, потым ён знік, піша ПЦ «Вясна». Верагодна, нацыянальны сімвал заўважылі і знялі міліцыянты ці іншыя прадстаўнікі ўлады.
Сцяг быў вывешаны да гадавіны аварыі на ЧАЭС. Гомельская вобласць найбольш пацярпела ад наступстваў аварыі.
Традыцыйная акцыя «Чарнобыльскі шлях» прайшла 26 красавіка ў Менску. Нягледзячы на тое, што ўлады дазволілі яе правядзенне, за некалькі гадзін да мерапрыемства былі затрыманыя вядомыя беларускія эколагі. Арышты працягваліся і на самой акцыі. У прыватнасці, некалькіх чалавек затрымалі ў раёне плошчы Бангалор.
Сёння ў Менску праходзяць суды над затрыманымі апазіцыйнымі актывістамі і журналістамі.