Флэш-моб у ЗША: тысячы амерыканцаў павіншавалі Буша-старэйшага ў яркіх шкарпэтках

Незвычайны падарунак атрымаў былы амерыканскі прэзідэнт Джордж Буш-старэйшы да свайго дня нараджэння.

Палітык адзначаў яго 12 чэрвеня. Яму споўнілася 89 гадоў.

Тысячы амерыканцаў вырашылі ўзрадаваць былога прэзідэнта, выклаўшы ў інтэрнэт фатаграфіі, на якіх яны апранутыя ў яркія шкарпэткі.

Справа ў тым, што Джордж Буш-старэйшы з'яўляецца вялікім прыхільнікам шкарпэтак яркай расфарбоўкі. У апошнія гады свайго прэзідэнцкага тэрміну ён любіў з'яўляцца ў каляровых шкарпэтках на афіцыйных мерапрыемствах. Пазней у Джорджа Буша з'явіліся паслядоўнікі, сярод якіх апынуліся нават вядомыя палітыкі, у тым ліку дзяржсакратар ЗША Кандаліза Райс.

Ініцыятыва правядзення флэш-мобу «Не сумным шкарпэткам!» зыходзіла ад супрацоўнікаў Прэзідэнцкай бібліятэкі Джорджа Буша. Па яго выніках на сайце ўстановы былі апублікаваныя больш за 200 фотаздымкаў. Да акцыі далучыліся і іншыя жадаючыя павіншаваць Буша, выкласці фота на сваіх рэсурсах. Сам Буш-старэйшы таксама далучыўся да флэш-мобу, апублікаваўшы ў сацыяльнай сетцы «Фэйсбук» фота сваіх ног у двух розных шкарпэтках незвычайных колераў.

Джордж Буш-старэйшы быў 41 прэзідэнтам ЗША. Ён узначальваў краіну з 1989 па 1993 гады.