Азаранка захоўвае другую пазіцыю ў абноўленым рэйтынгу WTA
11- 17.06.2013, 9:09
- 15,390
Жаночая тэнісная асацыяцыя сёння апублікавала свой новы рэйтынг.
Беларуска Вікторыя Азаранка захавала ў ім месца другой ракеткі свету. У адзіночным разрадзе ў яе 9625 балаў. Вядзе ў рэйтынгу амерыканка Серэна Уільямс з 13615 баламі, паведамляе сайт WTA.
У першую сотню сусветнага рэйтынгу ўваходзіць таксама беларуская тэнісістка Вольга Гаварцова, у якой 880 балаў і 72-я пазіцыя.
Перайсці з 3-й на 2-ю пазіцыю Вікторыя Азаранка здолела пасля выхаду ў паўфінал адкрытага чэмпіянату Францыі. Нягледзячы на тое, што яна саступіла расейцы Марыі Шарапавай, але памянялася з ёй месцамі ў спісе лепшых тэнісістак планеты.