Яшчэ адзін удар па МАЗах

У Дзярждуму ўнесены законапраект, прыняцце якога будзе значаць падаражанне МАЗаў на 7-14 тысяч даляраў.

БАА рыхтуе запыт ва ўрад з нагоды магчымага ўвядзення ў Беларусі з 1 ліпеня 2013 года ўтылізацыйнага збору.

Пра гэта агенцтву «Бізнэс-навіны» паведаміў старшыня праўлення Беларускай аўтамабільнай асацыяцыі Сяргей Міхневіч.

«Да нас дайшла трывожная інфармацыя аб увядзенні з 1 ліпеня для аўтавытворцаў Мытнага саюза ўтылізацыйнага збору. Дзяржаўныя органы Беларусі пакуль захоўваюць маўчанне. Таму асацыяцыя мае намер падрыхтаваць запыт ва ўрад і Дзяржаўны мытны камітэт аб гэтым пытанні», - адзначыў Міхневіч.

Паводле ацэнак БАА, у выпадку ўвядзення ўтылізацыйнага збору не менш чым на 5% падаражэюць аўтамабілі расейскай вытворчасці, у тым ліку, замежных брэндаў расейскай зборкі, якія пастаўляюцца на рынак Беларусі.

Гэта можа негатыўна адбіцца на сітуацыі на рынку, у прыватнасці, прывесці да запаволення тэмпаў росту беларускага рынку легкавых аўтамабіляў, бо ў агульным аб'ёме продажаў паводле вынікаў пяці месяцаў дзель аўтамабіляў, вырабленых у Расеі, склала 50%.

Нагадаем, у студзені-траўні продажы легкавых і камерцыйных аўтамабіляў перавысілі 10 тысяч, павялічыўшыся ў параўнанні з аналагічным перыядам мінулага года прыкладна на 60%. Гэта дало падставы аўтадылерам спрагназаваць рост агульных продажаў на год на 45%.

Між тым праз увядзенне ўтылізацыйнага збору падаражэе і тэхніка, якая вырабляецца ў Беларусі. Гэта закране як гігантаў (МАЗ), так і вытворцаў легкавых аўтамабіляў (СЗАТ «БелДжы», якія выпускаюць аўтамабілі Geely, СП ЗАТ «Юнісан», што выпускае аўтамабілі Samand).

Паводле ацэнках «Бізнес-навін», новыя МАЗы праз увядзенне ўтылізацыйнага збору могуць падаражэць у Расеі на USD 7-14 тыс., а экспартны кошт Geely SC7 з аб'ёмам рухавіка 1800 куб см вырасце больш чым на USD 800.

Раней старшыня Рады дырэктараў ДК «Інтэлект» Сяргей Варывода адзначыў, што «для аўтамабіля бюджэтнага сегмента, як Geely, такое павышэнне з'яўляецца істотным». Разам з тым Варывода не выключае, што ўрад Расеі падкарэктуе стаўкі ўтылізацыйнага збору ў бок зніжэння

Сяргей Міхневіч у сваю чаргу асцерагаецца, што абавязак выплачваць утылізацыйны збор ляжа і на імпарцёраў аўтамабіляў у Беларусь. У выпадку захавання гэтага ўзроўню мытаў адбудзецца рост коштаў і на іншамаркі, вырабленыя ў трэціх краінах.

Зрэшты, хутчэй за ўсё імпарцёраў неабходнасць выплачваць утылізацыйны збору не закране.

Нагадаем, абавязак аўтавытворцаў Мытнага саюза выплачваць утылізацыйны збор пры пастаўках у Расею прапісаны ў падрыхтаваным Мінпромгандлем РФ праекце змяненняў у артыкул 24.1 федэральнага закона «Аб адкідах вытворчасцi i спажывання».

Паводле інфармацыі расейскіх СМІ, у Дзярждуму ўжо быў унесены законапраект, згодна з якім з 1 ліпеня ўтылізацыйны збор павінны плаціць не толькі замежныя кампаніі, але і расейскія аўтамабільныя прадпрыемства.

Таксама ўтылізацыйны збор будзе распаўсюджвацца на аўтамабілі, што ўвозяцца з Казахстана і Беларусі.

Прадстаўнік адной з беларускіх кампаній-вытворцаў аўтамабіляў пацвердзіў, што існуе інфармацыя аб тым, што ўтылізацыйны збор на аўтамабільную тэхніку будзе ўведзены з 1 ліпеня для ўсіх вытворцаў АЭП.

«Гэта закране не толькі беларусаў, бо для ўсіх зробяць аднолькава: альбо ўсе плацяць, альбо ўсё не плацяць. Хутчэй за ўсё, усе будуць плаціць», - сказаў суразмоўца агенцтва.