Расейская паліцыя штурмуе офіс праваабаронцаў у Маскве
8- 21.06.2013, 15:42
- 20,867
Офіс праваабарончага руху «За правы чалавека» ў цэнтры Масквы падвергнуўся рэйдэрскаму захопу.
Пра гэта паведаміў на сваёй старонцы ў сацыяльнай сетцы «Фэйсбук» кіраўнік арганізацыі Леў Панамароў.
«Да нас ўварваліся чыноўнікі разам з НТВшнікамі і паліцыяй і мяняюць замкі. Патрабуюць пакінуць памяшканне», - піша ён. Прычына нечаканага візіту невядомая.
Расейскі праваабаронца заклікаў масквічоў прыехаць да офіса руху для таго, каб не дапусціць яго «рэйдэрскага захопу».
Арганізацыя «За правы чалавека» была створаная ў лістападзе 1997 года. Яна прымала актыўны ўдзел у расследаванні правакацыі, арганізаванай расейскімі ўладамі на Балотнай плошчы ў мінулым годзе і абараняла актывістаў апазіцыі.
Фота: mk.ru