«Гульня прастолаў» б'е рэкорды торэнтаў

Сага «Гульня прастолаў» узначаліла спіс тэлесерыялаў, якія найбольш часта пампуюцца нелегальна з Сеткі на працягу вясновага сезона гэтага года

Пра гэта піша партал TorrentFreak.

Паводле дадзеных рэсурсу, колькасць загрузак аднаго эпізоду «Гульні прастолаў» склала каля 5,2 мільёна. Гэта на 25 адсоткаў перавышае леташнія паказчыкі, калі тэлевізійную сагу спампавалі прыкладна 4,3 мільёна разоў. Характэрна, што тэлевізійная аўдыторыя серыяла толькі ненашмат перавышае гэтыя паказчыкі - у ЗША серыял паглядзелі па ТБ каля 5,5 мільёна чалавек, піша Lenta.ru.

Другое месца дасталася «Тэорыі вялікага выбуху» (2,9 мільёна загрузак, 20 мільёнаў тэлепраглядаў), трэцяе - серыялу «Як я сустрэў вашу маму» (2,85 мільёна загрузак, 10,5 мільёна праглядаў па ТБ).

У цэлым дзесятка самых папулярных у піратаў серыялаў выглядае наступным чынам:

1. «Гульня прастолаў» (Game of Thrones)

2. «Тэорыя вялікага выбуху» (Big Bang Theory)

3. «Як я сустрэў вашу маму» (How I Met Your Mother)

4. «Хадзячыя мерцвякі» (The Walking Dead)

5. «Ганібал» (Hannibal)

6. «Вікінгі» (Vikings)

7. «Страла» (Arrow)

8. «Дзённікі вампіра» (The Vampire Diaries)

9. «Амерыканская сямейка» (Modern Family)

10. «Помста» (Revenge)