Канадзец стварыў вінтоўку на 3D-прынтэры (Відэа)
23- 27.07.2013, 15:47
- 32,598
На 3D-прынтэры можна друкаваць не толькі пісталеты і кулі да іх, але і больш буйную зброю.
Гэта наглядна даказаў канадзец, які называе сябе ThreeD Ukulele. Ён распячатаў і выпрабаваў адназарадную вінтоўку 22LR (5,6 x15 мм). На гэтым тыдні відэа з выпрабаванняў было выкладзена на YouTube, піша NEWSru.com.
Пластмасавая зброя атрымала назву Grizzly - у гонар канадскіх танкаў M4 Sherman - Grizzly, якія выкарыстоўваліся падчас Другой сусветнай вайны. Аднак, нягледзячы на грозную назву, выпрабаванні прайшлі не зусім бліскуча - пасля стрэлу па вінтоўцы пайшлі падоўжныя расколіны з двух бакоў ствала і корпуса. Але энтузіяста гэта не асабліва засмучае - ён збіраецца дапрацаваць сваю вінтоўку. Вінтоўка была надрукаваная на 3D-прынтэры Stratasys Dimension 1200ES коштам больш за 25 тысяч даляраў.
ThreeD Ukulele паказвае, што быў натхнёны прыкладам вынаходніка першай друкаванай зброі - амерыканца Кодзі Ўілсана, які ў траўні апублікаваў у інтэрнэце відэа з паспяховых выпрабаванняў, а таксама чарцяжы пісталета Liberator, якія, спахапіўшыся, патрабавалі выдаліць ўлады ЗША.
Дададзім, што канадзец пачынаў свае эксперыменты ў 3D-друку з больш бяскрыўдных прадметаў - гітар. Аднак відэа з імі, мяркуючы па колькасці праглядаў, зацікавіла значна менш людзей, чым ролікі аб зброі. А, мабыць, дарма: