Сноўдэн просіць аб прытулку яшчэ ў шасці краінах
34- 5.07.2013, 19:52
- 19,360
На гэты раз у мэтах бяспекі краіны не называюцца.
Паведамленне аб тым, што збеглы супрацоўнік ЦРУ Эдвард Сноўдэн падаў запыты на дазвол аб прытулку ў шасці краінах, з'явілася ў твітэры WikiLeaks сёння ўвечары, 5 ліпеня.
Edward #Snowden has applied to another six countries for asylum. They will not be named at this time due to attempted US interference.
— WikiLeaks (@wikileaks) July 5, 2013
У паведамленні падкрэсліваецца, што краіны, у якіх Сноўдэн просіць прытулак, названыя не будуць праз засцярогу з боку ціску ЗША.
Раней экс-супрацоўнік ЦРУ, які распавёў журналістам аб праграме па зборы асабістых дадзеных грамадзян, ужо запытаў прытулак у Аўстрыі, Балівіі, Бразіліі, Венесуэле, Германіі, Індыі, Ірландыі, Іспаніі, Італіі, Кітаі, Кубе, Нідэрландах, Нікарагуа, Нарвегіі, Польшчы , Расеі, Фінляндыі, Францыі, Швейцарыі, Ісландыі і Эквадоры. Многія з гэтых краін адхілілі просьбу.
Таксама паведамлялася, што Беларусь можа даць прытулак былому супрацоўніку ЦРУ. Аб гэтым, у прыватнасці, заявіў першы намеснік старшыні камітэта Дзярждумы Расеі ў міжнародных справах Леанід Калашнікаў. Палітык не выключыў верагоднасці таго, што з Масквы былы агент ЦРУ накіруецца ў Менск. Беларускі МЗС абверг такую магчымасць.
Афіцыйна Эдвард Сноўдэн усё яшчэ знаходзіцца ў транзітнай зоне аэрапорта Шарамеццева ў Маскве.
