Польскія інспектары праляцяць над Беларуссю
3- 8.07.2013, 9:07
- 6,810
Спецыялісты Польшчы выканаюць на ўкраінскім самалёце Ан-30Б назіральны палёт над тэрыторыямі дзяржаў-удзельніц Дамовы па адкрытым небе.
Ён пройдзе, у тым ліку, і над тэрыторыяй Беларусі, паведамляе прэс-служба Міністэрства абароны Расеі.
«Самалёт назірання адносіцца да класа лятальных апаратаў, не прызначаных для аснашчэння якім-небудзь узбраеннем. Усталяваныя на ім тэхнічныя сродкі прайшлі пры ўдзеле прадстаўнікоў Расеі неабходны міжнародны агляд», - гаворыцца ў паведамленні.
Падчас палёту па ўзгодненым маршруце расейскія і беларускія спецыялісты будуць ажыццяўляць на борце самалёта кантроль за выкарыстаннем апаратуры назірання.
Месяц таму падобны палёт праводзілі шведскія спецыялісты.