За паўгода кошты на нерухомасць у Менску выраслі на 18%
23- 9.07.2013, 17:13
- 29,712
Гэта рэкордная адзнака за 4-гадовы перыяд.
Больш чым на 18% выраслі кошты на другасным рынку жылля ў Менску. У чэрвені 2013 сярэдні кошт квадратнага метра склаў $1512 (Br13,3 млн), піша «Інтэрфакс».
Гэта рэкордная адзнака за 4-гадовы посткрызісны перыяд, паведамілі ў аддзеле кансалтынгу і аналітыкі групы кампаній «Твая сталіца».
Так, кошт квадратнага метра ў аднапакаёвай кватэры за апошнія паўгода вырас на 19% і дасягнуў адзнакі ў $1626 (Br14,4 млн). У «двушцы» кошт квадратнага метра склаў $1430 (Br12,6 млн), у трохпакаёвай кватэры - $1387 (Br12,3 млн).
«На рынку захоўваецца высокая актыўнасць яго ўдзельнікаў. Колькасць здзелак, зарэгістраваных у чэрвені РУП «Нацыянальнае кадастравае агенцтва», павялічылася амаль на 11% у адносінах да паказчыкаў траўня і практычна зраўнялася з паказчыкамі сакавіка-красавіка. Колькасць здзелак па-ранейшаму перавышае 1 000 за месяц», - адзначылі ў «Тваёй сталіцы».
Пры гэтым аднапакаёвыя кватэры з мэбляй альбо папярэднім рамонтам рэалізоўваліся ў чэрвені ў сярэднім даражэй на $160 за кв. м, чым кватэры тыпавых спажывецкіх якасцяў. Добры рамонт у 2-пакаёвых кватэрах падаражэў кошт квадратнага метра больш чым на $300.
Першасны рынак: павольней за ўсё даражэе элітнае жыллё
Ледзь павольней расце кошт жылля на першасным рынку жылля - у сярэднім на працягу паўгода кожны месяц квадратны метр даражэў на 2,8%, а ў чэрвені тэмп нават запаволіўся да 1,6%.
Сярэдні кошт квадратнага метра ў чэрвені склаў, па ацэнцы экспертаў «Тваёй сталіцы», $1590 (Br14 млн.) і вырас, у параўнанні са студзенем бягучага года, на 12,9%. Найбольшы рост кошту адбыўся ў сегменце эканом-класа: рост склаў 16,4%. У чэрвені жыллё ў гэтым сегменце каштавала $1381 (Br12,2 млн).
У бізнес-класе жыллё за паўгода падаражэла на 11,5% - да чэрвеньскіх $1576 (Br13,9 млн) за квадратны метр.
Нарэшце, у эліт-класе кошты выраслі на 10,7%, дасягнуўшы да чэрвеня адзнакі ў $2517 (Br22,3 млн) за квадратны метр.
Арэнда жылля: кошт не змяніўся
Кошт арэнды жылля ў Менску за месяц практычна не змяніўся, застаўшыся на травеньскім узроўні. Арэнда аднапакаёвай кватэры абыйдзецца, у сярэднім, у $337 (каля Br2,98 млн) у месяц, двухпакаёвай - $398 (прыкладна Br3,5 млн.), трохпакаёвай - $428 (Br3,8 млн).