Град ў Менску: Пабітыя машыны, перавернутыя кіёскі (Відэа)

Сапраўдны ўраган з ліўнем і градам прайшоўся па заходніх і паўднёвых раёнах Менска ўвечары 10 жніўня.

Відавочцы стыхіі распавялі пра зламаныя дрэвы, пабітыя градзінамі вокна ў машынах і перавернутыя тэнты і кіёскі.

Непрыемнай выдалася паездка ў краму «Еўраопт» на вул. Мантажнікаў для некаторых менчукоў. Там моцным ветрам паваліла палаткі, градам павыбівала вокны некаторых аўто. А некаторыя машыны апынуліся пад грузам палатак, якія не вытрымалі стыхіі, перадае Interfax.by.

Кіроўцам, якія заспелі непагадзь за рулём, таксама не пазайздросціш. Можна нават дзівіцца, як ім наогул удавалася перамяшчацца пры такіх умовах надвор'я...