МЗС Казахстана пацвердзіў візіт Лукашэнкі

Віцэ-міністр замежных спраў Казахстана Кайрат Сарыбай распавёў пра тое, якія візіты на вышэйшым узроўні запланаваныя ў рэспубліку ў бягучым годзе.

«У Казахстане мы плануем прымаць з дзяржаўным візітам старшыню КНР, прэзідэнта Інданэзіі, таксама адбудзецца афіцыйны візіт прэзідэнта Беларусі», - сказаў ён на брыфінгу ў Службе цэнтральных камунікацый у панядзелак у Астане, піша «Інтэрфакс».

Нагадаем, раней паведамлялася, што беларускі кіраўнік плануе наведаць з візітам Казахстан восенню 2013 года.