У Менску міліцэйская Lada уехала ў аўтобус (Фота)

Lada Дэпартамента аховы сутыкнулася з маршрутным аўтобусам, два супрацоўнікі МУС пацярпелі.

«Відавочцы кажуць, што міліцыя ехала накшталт як на выклік (магчыма нават з маячкамі) і ці то не справілася з кіраваннем, ці то элементарна не заўважылі закруглення дарогі направа (там дрэннае асвятленне, ліхтары слабыя)», - напісаў удзельнік форуму onliner.by unkindclown (тут і далей арфаграфія і пунктуацыя аўтара захаваныя).

У той жа час ёсць інфармацыя, што аўтобус знаходзіўся на паласе сустрэчнага (для Lada) руху. У аварыі, якая адбылася ў суботу ўвечары на Партызанскім праспекце, двое супрацоўнікаў Дэпартамента аховы атрымалі сур'ёзныя траўмы.

«На закругленні дарогі направа пасля аўтастанцыі «Аўтазаводская», рухаючыся ад ст. метро Магілёўская, машына міліцыі ўрэзалася ў аўтобус, які знаходзіцца на сустрэчнай паласе (не ведаю, рухаўся або стаяў), - напісаў unkindclown. - Сам сведкам не быў. Перад размалочаны ў міліцэйскай будзь здаровы. Хуткай не было, але калі супрацоўнікі не былі прышпіленыя, павінны былі напэўна пацярпець. Стаяла машына ДАІ з маячкамі і фішкі на дарозе».

Паводле інфармацыі партала, не абышлося без пацярпелых: два чалавекі з траўмамі рознай ступені цяжкасці былі дастаўленыя ў бальніцу. Пацярпелых вызвалялі з разбітага легкавіка з дапамогай спецінструменту. Сутыкнуліся Lada 2170, якая належыць Дэпартаменту аховы МУС, і маршрутны аўтобус «Нёман». У аўтобусе не было пасажыраў. Кіроўца і міліцыянт з легкавога аўтамабіля пацярпелі.

Як атрымалася даведацца, пацярпелыя знаходзяцца ў цяжкім стане. Адзін з іх падключаны да апарата штучнай вентыляцыі лёгкіх.