Ладуцька даручыў рабіць больш сякер і кос

У сталіцы маюць намер наладзіць імпартазамяшчальную вытворчасць сякер і ручных кос.

Магчымасці такой працы абмяркоўвалі сёння падчас візіту старшыні Менгарвыканкама Мікалая Ладуцькі на Менскі падшыпнікавы завод, паведамляюць «Менск-Навіны».

У сапраўдны момант дзве вытворчыя пляцоўкі горада задзейнічаныя для выпуску сякер. Гэта Менскі падшыпнікавы завод, дзе вырабляюць тры віды цяслярскага інструмента, і Менскі трактарны завод, які вырабляе сякеры-калуны.

Падчас візіту на ААТ «МПЗ» Ладуцьку прадэманстравалі ўзоры айчыннай і імпартнай прадукцыі, распавялі пра перспектывы працы па ўдасканаленні спажывецкіх характарыстык тавару і павелічэнню аб'ёмаў вытворчасці.

- Цяпер на МПЗ выпускаюць 40 тыс. сякер у год. А трэба выпускаць 400 тыс. і прадаваць гэтую прадукцыю ў Расею, Украіну, - заўважыў старшыня Менгарвыканкама. - Неабходна зарабляць, таму ўключайцеся ў гэтую працу.

Зараз спецыялісты ААТ «МПЗ» і ВА «МТЗ» працуюць над паляпшэннем спажывецкіх якасцяў выпускаемай прадукцыі, каб яна адпавядала імпартным аналагам. У той жа час у сталіцы трэба будзе арганізаваць вытворчасць ручных кос. Адпаведную працу вядуць на Менскім інструментальным заводзе і ў холдынгу «Белстанкаінструмент». Першыя ўзоры прадукцыі тут выпусцяць у верасні бягучага года.