72-гадовы брытанец устанавіў сусветны рэкорд, скокнуўшы з тарзанкі
9- 23.08.2013, 9:43
- 13,780
Жыхар англійскага графства Эсэкс здзейсніў скачок у ваду з тарзанкі з вышыні 122 метра.
Тым самым ён устанавіў новы сусветны рэкорд. Свой скачок Рэйманд Вудкок - таксіст па прафесіі - прысвяціў збору сродкаў у дабрачынны фонд, арганізаваны брытанскімі таксістамі для дапамогі хворым дзецям, піша Lenta.ru.
Ён тры разы запар саскочыў з эластычнай страхоўкай з крана, усталяванага над запоўненым вадой кар'ерам, і ў трэці раз нарэшце дасягнуў паверхні вады. «Было страшнавата», - прызнаўся пенсіянер. Ён значна абышоў ранейшага рэкардсмена - жыхара Кітая, які ў 2006 годзе саскочыў у ваду з вышыні 50 метраў.
На рахунку Рэйманда Вудкока ўжо ёсць і іншыя дасягненні. У прыватнасці, за апошнія дзевяць гадоў ён паспеў узлезці на гару Кіліманджара, праехаць на сабачай запрэжцы 250 кіламетраў па арктычных льдах, а таксама здзейсніць скачок з парашутам у тандэме з вышыні каля дзевяці кіламетраў. Банджы-джампінгам, то ёсць скачкамі з тарзанкі, яму раней займацца не прыходзілася.