Агент Грабоўскага: Міхаіл будзе гуляць за «Вашынгтон», яго мэта - кубак Стэнлі
8- 23.08.2013, 21:32
- 9,078
Гары Грынстын упэўнены, што беларускага хакеіста чакае «выдатная кар'ера».
Пра гэта ён заявіў, каментуючы пераход Міхаіла Грабоўскага ў «Вашынгтон», піша goals.by.
«Галоўны трэнер «Вашынгтона» Адам Оўтс уразіў нас, вельмі ўразіў. Яшчэ будучы гульцом, ён быў сумленным хакеістам. Мы размаўлялі з Оўтс, і, што больш важна, трэнер асабіста гутарыў з Міхаілам. Яго энтузіязм пераканаў нас зрабіць выбар на карысць «Вашынгтона».
Што да сітуацыі з галоўным трэнерам «Таронта», хачу адзначыць, што трэнер заўсёды мае рацыю. Я не першы год у хакеі, калі з'яўляюцца нейкія супярэчнасці паміж гульцом і трэнерам, агент павінен разбіраць сітуацыю з генеральным дырэктарам каманды. Шчыра кажучы, у мяне няма рознагалоссяў з Карлайлам. Я па-ранейшаму перакананы, што ён добры трэнер, і жадаю поспехаў «Таронта».
Узровень гульні Грабоўскага? Усе ведаюць пра ягоныя здольнасці. Чаму ён набраў мала балаў у мінулым сезоне? Па-першае, сезон быў карацейшы, чым звычайна. Калі б сезон не быў скарочаным, Міхаіл закінуў бы сваіх 20 шайбаў. Па-другое, яму даводзілася гуляць у трэцім і чацвёртым звяне.
Грабоўскі любіць «Таронта», у іх выдатная арганізацыя. Цяпер у яго іншы дом ды іншая арганізацыя. Ён будзе гуляць за «Вашынгтон» і яго мэта - Кубак Стэнлі. Міхаілу 29 гадоў, яго яшчэ чакае бліскучая хакейная кар'ера», - сказаў Гары Грынстын.
Як стала вядома сёння, найлепшы беларускі хакеіст будзе гуляць за клуб НХЛ «Вашынгтон Кэпіталс».
Кантракт разлічаны на 1 год.