Рамзан Кадыраў перасеў з аўтамабіля на каня
20- 28.08.2013, 15:13
- 27,250
У адказ на абвінавачванні ў перавышэнні хуткасці кіраўнік Чачні Рамзан Кадыраў перасеў на каня.
Пра гэта паведамляецца ў яго акаўнце ў Instagram, дзе таксама з'явілася яго фатаграфія на кані, піша «Інтэрфакс».
«Да гэтага часу машына фактычна служыла мне рабочым кабінетам. Раніцай у гарах Ітум-Калі, а пасля абеду ў стэпах Наурскага раёна. Сінія вядзерцы пазбавілі мяне правоў. Цяпер давялося перасесці на каня, каб перамяшчацца па рэспубліцы. Коней, як вы ведаеце, я вельмі люблю», - паведамляецца ў подпісы да дадзенай фатаграфіі.
У той жа час Кадыраў паскардзіўся, што «коні не зусім вытрымліваюць майго рытму і тэмпу работы».
«Папрасіў інстытут конегадоўлі вывесці новую пароду, каб і хуткасць была, і вытрымка, ды і магла без корму скакаць суткамі», - пажартаваў ён. Раней на старонцы супольнасці «Сінія вядзерцы» ў «Жывым Часопісе» з'явіўся каментар да відэа, выкладзенага ў Instagram Рамзана Кадырава, на якім можна разглядзець стрэлку спідометра машыны, якая застыла на адзнацы каля 240 км/г.