Амерыканскі папугай прадухіліў рабаванне
5- 29.08.2013, 13:28
- 12,833
Папугай па мянушцы Эмералд дапамог прадухіліць рабаванне дома ў Флорыдзе.
Убачыўшы рабаўніка, птушка падняла шум і прыцягнула ўвагу гаспадыні, паведамляе Sky News.
Калі 21-гадовы папугай пачаў крычаць гучней звычайнага ў сваёй клетцы, яго гаспадыня С'юзет Бізлі зразумела: штосьці пайшло не так. Яна была недалёка ад дома , калі пачула «немыя крыкі» гадаванца, - і заўважыўшы, што хтосьці спрабуе забрацца да суседзяў, патэлефанавала 911, піша Lenta.ru.
Паліцыянты акругі Хілсбара атачылі суседскі дом і схапілі падазраванага, калі той паспрабаваў уцячы. Злачынцам аказаўся 31-гадовы Ханс Крыстэнсэн.
«Можа, я і выклікала паліцыю, але ж менавіта Эмералд сказаў мне, што хтосьці залез у дом, - распавяла гаспадыня даўгахвостага папугая. - У нас можа быць і няма вартаўнічага сабакі, але за парадкам у раёне сочыць вартаўнічая птушка».
Ханс Крыстэнсэн цяпер утрымліваецца ў турме акругі Хілсбара. Яму прад'яўленае абвінавачванне ў крадзяжы з узломам.
Некалькі гадоў таму папугай аратынга па мянушцы Джэк прагнаў рабаўнікоў з заакрамы, а папугай лоры Кузя напалохаў злодзеяў, якія ўлезлі ў дом перакладчыка Генадзя Куркуля ў Лондане. А ў Кітаі афрыканскі папугай, якога скралі ў яго гаспадара, дапамог паліцыі знайсці свайго выкрадальніка.