У Менску пройдзе «Дзень без аўтамабіля»
24- 16.09.2013, 10:55
- 12,372
Сталічныя эколагі рыхтуюцца да правядзення акцыі «Дзень без аўтамабіля».
Пра гэта карэспандэнту агенцтва «Менск-Навіны» паведамілі ў Менскім гарадскім камітэце прыродных рэсурсаў і аховы навакольнага асяроддзя.
Традыцыйная міжнародная акцыя пройдзе ў сталіцы 22 верасня. Кіроўцам рэкамендуюць зладзіць «разгрузны дзень», адмовіўшыся ад выкарыстання асабістага аўтатранспарту і загадзя спланаваць, як перасоўвацца па горадзе іншымі спосабамі.
- Асноўны ўклад у забруджванне атмасферы ўносяць перасоўныя крыніцы, - канстатуюць у камітэце. - У Менску на долю машын прыпадае каля 80% эмісіі шкодных рэчываў.
Менавіта таму Менгаркампрыроды заклікае ўсіх жыхароў горада і гасцей сталіцы па меры магчымасці адмовіцца ад выкарыстання асабістага аўтатранспарту 22 верасня і тым самым унесці пасільны ўклад у змяншэнне забруджвання атмасфернага паветра. Такі добраахвотны крок дазволіць знізіць негатыўнае ўздзеянне аўтатранспарту на навакольнае асяроддзе і зрабіць наш горад больш чыстым і камфортным.