Рабочыя «Беларуськалія» занепакоеныя сваёй будучыняй
25- 16.09.2013, 12:24
- 40,656
Рабочыя «Беларуськалію» занепакоеныя сваім будучым і не ведаюць, чаго чакаць.
Незалежны прафсаюз гарнякоў сочыць за выкананнем калектыўнай дамовы і імкнецца знізіць напружанне сярод рабочых.
Як паведамлялася раней, з прычыны канфлікту паміж «Уралкаліем» і беларускім бокам работнікі ААТ «Беларуськалій» былі пераведзеныя на 2/3 акладу, піша praca-by.info.
Намеснік старшыні Незалежнага прафсаюза гарнякоў (НПГ) другога рудаўпраўлення ААТ «Беларуськалій» Аляксандр Мішук распавёў, што сябры НПГ сталі часцей звяртацца ў прафсаюз з пытаннямі пра тое, што будзе з прадпрыемствам і якая будучыня іх чакае.
- Самі разумееце, у людзей сем'і, дзеці, трэба іх карміць. На сёння калектыўная дамова выконваецца ў поўнай меры. Усе правы гарнякоў абараняюцца. Па крайняй меры, іх не выганяюць у адпачынкі за свой кошт. І дзякуй Богу, - адзначыў Аляксандр Мішук.
Прафсаюзны лідар нагадаў, што з сітуацыяй, калі рабочых пераводзяць на 2/3 акладу, гарнякі сутыкаюцца не ў першы раз. Аналагічная мера была прадпрынятая восенню мінулага года, але праз некалькі месяцаў, па яго словах, усё вярнулася да нормы.
Фота: praca-by.info