Расеская атамная субмарына загарэлася падчас рамонту (Відэа)

Прычынай пажару на атамнай падводнай лодцы «Томск» стала ўзгаранне ізаляцыі, якая перасохла пры правядзенні зварачных работ.

Вялікая колькасць перасохлай ізаляцыі і старой фарбы знаходзілася ў міжкорпуснай прасторы субмарыны, паведамілі суднабудаўнікі. Пажар на падлодцы «Томск», якая стаіць на рамонце на заводзе «Звязда», у прыморскім горадзе Вялікі Камень, успыхнуў у панядзелак у 11-30 па мясцовым часе, перадае BBC.

Субмарына адносіцца да той жа серыі, што і падводная лодка «Курск», якая ў жніўні 2000 года загінула ў Баранцавым моры з усім экіпажам. Па словах прадстаўнікоў краёвай адміністрацыі, барацьба з агнём працягвалася больш за пяць з паловай гадзін.

Экіпаж быў эвакуяваны з падводнай лодкі, зброі на борце няма.

Верагоднасць таго, што лодка выбухне, малая, так як цыстэрна знаходзіцца па-за трывалага корпуса субмарыны, паведаміў прадстаўнік сударамонтнага завода.

Па словах афіцыйнага прадстаўніка Аб'яднанай суднабудаўнічай карпарацыі Аляксея Краўчанкі, хутчэй за ўсё, была парушаная тэхніка бяспекі пры правядзенні агнявых работ. На месца здарэння прыбылі 13 пажарных разлікаў Ціхаакіянскага флоту і МНС.

Як паведаміў расейскім СМІ прадстаўнік штаба Ціхаакіянскага флоту, атамны рэактар на падводнай лодцы заглушаны.

Паводле яго слоў, спецыялісты прадпрыемства тушылі агонь пенай. На дапамогу быў накіраваны пажарны катэр і судна кантролю радыяцыйнай абстаноўкі Ціхаакіянскага флоту.

Дакладныя маштабы наступстваў пажару пакуль не вядомыя. Як паведаміў прадстаўнік Аб'яднанай суднабудаўнічай карпарацыі, на месца здарэння прыедзе спецыяльная камісія мінабароны Расеі, якая павінна будзе высветліць прычыны аварыі.