У Англіі парашутыст сарваў футбольны матч
4- 16.09.2013, 15:24
- 9,147
Матч пятага англійскага дывізіёна паміж футбольнымі клубамі «Салісберы Сіці» і «Чэстэр» быў спынены пасля прызямлення на поле парашутыста.
Як распавёў абаронца «Чэстара» Дэні Хігінбот, у другім тайме над полем нечакана з'явіўся, а затым прызямліўся парашутыст. Футбаліст назваў тое, што адбылося, самым дзіўным здарэннем на футбольным полі, якое ён калі-небудзь бачыў у сваім жыцці, піша Lenta.ru.
Пасля прызямлення парашутыст сабраў рыштунак і пад апладысменты гледачоў пакінуў футбольнае поле. Колькі часу заняла паўза і ці былі ўжытыя да парашутыста якія-небудзь санкцыі, не паведамляецца.
Гульня «Салісберы» і «Чэстара» прайшла 14 верасня на полі «Сіці» і завяршылася перамогай гаспадароў з лікам 3:1. На гульні прысутнічала каля адной тысячы заўзятараў.