Купіць квіткі на сайце БЧ цяпер можна праз карткі

З 16 верасня купіць квіткі на сайце беларускай чыгункі можна праз карткі аплатных сістэм Visa international і Mastercard worldwide усялякага банка свету.

Беларуская чыгунка зрабіла чарговы крок для ўдасканалення онлайн-сістэмы рэалізацыі праязных дакументаў. З 16 верасня сэрвіс продажу квіткоў на сайце Беларускай чыгункі ў рэжыме доследнай эксплуатацыі прылучаны да сістэмы інтэрнэт-эквайрынгу. Гэта азначае, што ў пасажыраў з'явілася магчымасць аплачваць квіткі праз банкаўскія карткі Visa, Visa Electron, MasterCard, Maestro міжнародных аплатных сістэм Visa International і MasterCard World Wide усялякага банка свету, паведамляе прэс-служба БЧ.

Новаўвядзенне не толькі дазваляе набыць праз Інтэрнэт білет на цягнік уладальнікам картак замежных банкаў, але і спрашчае гэты працэс для трымальнікаў картак беларускіх банкаў. Дагэтуль аплаціць квіткі ў рэжыме онлайн можна было толькі з дапамогай плацежных картак беларускіх банкаў, падлучаных да інтэрнэт-банкінгу, а таксама праз сістэму электронных грошай Easy Pay і Web Money. Цяпер для таго, каб аплаціць квіткі карткамі Visa, Visa Electron, MasterCard і Maestro можна не рэгістравацца ў сістэмах інтэрнэт-банкінгу. Карыстальніку досыць увесці ў сістэме інтэрнэт-плацяжоў рэквізіты карты, а таксама прайсці дадатковую аўтэнтыфікацыю.

Бліжэйшым часам магчымасць аплаты праязных дакументаў праз новую аплатную сістэму атрымаюць і ўладальнікі картак сістэмы Белкарт.

Папулярнасць паслугі Беларускай чыгункай продажу праязных дакументаў праз Інтэрнэт стала расце. У студзені-жніўні гэтага года праз інтэрнэт-сайт Беларускай чыгункі было набыта 318 тыс квіткоў на цягнікі, у тым ліку з паслугай электроннай рэгістрацыі, якая дазваляе не афармляць іх у білетнай касе, - 193 тыс квіткоў. У жніўні гэтага года пасажыры Беларускай чыгункі з выкарыстаннем паслугі электроннай рэгістрацыі аплацілі праз Інтэрнэт больш за 34 тыс квіткоў, што перасягнула ўзровень студзеня гэтага года ў 3,5 разы.

Нагадваем, сёння праз Інтэрнэт можна аплаціць квіткі на ўсе цягнікі. Пры афармленні ў касе аплачаных праз Інтэрнэт праязных дакументаў пасажыру досыць падаць касіру бланк замовы на паездку (альбо паведаміць нумар замовы - 14 лічбаў) і дакумент, які сведчыць асобу. Атрымаць аплачаныя праз Інтэрнэт праязныя дакументы таксама можа давераная асоба пасажыра, якому дастаткова падаць касіру свой пашпарт або іншы дакумент, які сведчыць асобу.

Купляючы праязны дакумента праз Інтэрнэт, можна скарыстацца дадатковай паслугай - электроннай рэгістрацыяй на ўсе цягнікі, якія ездзяць у межах Беларусі, а таксама на 17 цягнікоў у кірунку Расеі і на цягнік Менск-Рыга.