У Мазыры атруціліся 67 школьнікаў
10- 20.09.2013, 10:15
- 12,040
Харчовае атручванне дыягнаставана ў 67 вучняў чатырох агульнаадукацыйных школ і гімназіі горада Мазыра.
Пра гэта паведамляе БелТА са спасылкай на дзяжурнага МНС Беларусі.
Вучні 1-х - 7-х класаў ужывалі ў ежу на сняданак прадукты (бульбяное пюрэ, адварная каўбаса, салат з агародніны і глазураваныя сыркі), а вечарам 19 верасня пачалі скардзіцца на боль у страўніку. Бацькі звярнуліся ва ўстановы аховы здароўя, ва ўсіх дзяцей лекары дыягнаставалі харчовае атручэнне (13 з іх былі шпіталізаваныя).
Цяпер высвятляецца, што магло стаць яго прычынай. Як адзначыў дзяжурны МНС, на дадзены момант стан усіх дзяцей ацэньваецца як здавальняючы.