Рассельгаснагляд знайшоў у беларускім мясе стафілакок
26- 23.09.2013, 16:07
- 18,455
Федэральная служба па ветэрынарным і фітасанітарным наглядзе Расеі выявіла мікробнае забруджванне мясной прадукцыі, якая паступіла з шэрагу беларускіх прадпрыемстваў.
Пра гэта гаворыцца ў паведамленні ведамства, размешчаным на яго сайце.
«Пры лабараторных даследаваннях у рэжыме маніторынгу гатовай прадукцыі са свініны, якая паступіла з Беларусі з прадпрыемства ГА Кіруючая кампанія холдынгу «Канцэрн Брэстмясамалпрам», выяўлены залацісты стафілакок, у каўбасе сыравяленай салямі «Прэстыж», выпрацаванай прадпрыемствам ААТ «Брэсцкі мясакамбінат», выяўлены залацісты стафілакок, пры паўторных лабараторных каўбасы салямі «Пасольская мяскавіт», выпрацаванай прадпрыемствам ААТ «Віцебскі мясакамбінат», у каўбасе варанай «Аматарская духмяная», выпрацаванай прадпрыемствам ААТ «Ваўкавыскі мясакамбінат», выяўленыя мезафільныя аэробныя і факультатыўна-анаэробныя мікраарганізмы, у каўбасе варанай мясной «Беліцкая» ялавічнай, якая паступіла з прадпрыемства ААТ «Гомельскі мясакамбінат», выяўленыя бактэрыі групы кішачнай палачкі, у сардэльках шпікачкі мяса-раслінных астуджаных 1 гатунак «Апетытныя», выпрацаваных прадпрыемствам ААТ «АФПК» Жлобінскі мясакамбінат», якія паступілі з Рэспублікі Беларусь, выяўленыя мезафільныя аэробныя і факультатыўна-анаэробныя мікраарганізмы», - гаворыцца ў паведамленні Рассельгаснагляду.
Прынятае рашэнне праінфармаваць дзяржаўную ветэрынарную службу Беларусі аб выяўленых парушэннях для прыняцця неабходных мер.