Страх перад жонкай прымусіў Абаму кінуць паліць
12- 24.09.2013, 17:13
- 21,184
Барак Абама назваў асноўную прычыну, якая прымусіла яго кінуць паліць: па словах прэзідэнта ЗША, ён канчаткова адмовіўся ад цыгарэт з-за страху перад жонкай.
Такую жартаўлівую заяву амерыканскі лідар зрабіў на мерапрыемстве ААН у Нью-Йорку, калі адказваў на пытанне аднаго з прадстаўнікоў арганізацыі, паведамляе Reuters.
Каментуючы сваю заяву, Абама адзначыў, што страх перад жонкай цалкам натуральны для ўсіх мужоў, якія прайшлі той жа працэс, што і ён. Як першая лэдзі ЗША адрэагавала на гэты каментар свайго мужа, невядома, піша Lenta.ru.
44-ы прэзідэнт ЗША змагаўся з нікацінавай залежнасцю на працягу многіх гадоў. Яшчэ падчас прэзідэнцкай кампаніі ён казаў пра цяжкасці, звязаныя з адмовай ад палення.
У 2011 годзе Мішэль Абама заявіла, што яе муж нарэшце канчаткова адолеў сваю шкодную звычку і цалкам адмовіўся ад цыгарэт. Тады яна падкрэсліла, што паколькі для мужа барацьба з паленнем была асабістым выпрабаваннем, яна старалася не ўмешвацца ў гэты працэс. Каб палегчыць Абаме барацьбу з залежнасцю, лекары рэкамендавалі яму жаваць нікатынавую жавальную гумку.
Фота: Reuters