Цыгарэты зноў падаражэюць у кастрычніку
45- 26.09.2013, 19:19
- 25,623
Кошты на асобныя тыпы цыгарэт у Беларусі павялічацца ў кастрычніку на 3,7-4,8%.
Максімальны раздробны кошт на асобныя тыпы цыгарэт з фільтрам у кастрычніку павялічыцца ў Беларусі на 3,7-4,8%, паведамляе сайт Міністэрства падаткаў і збораў.
Максімальны кошты раздробнага гандлю на імпартуемыя ў Беларусь цыгарэты Kent Сonvertibles, Kent HDi Blue, Kent HDi Silver, KENT iSWITCH павялічацца на 3,7% і складуць Br14 тыс, Lucky Strike Click & Roll - на 4,2% да Br12, 5 тыс, Richmond Cherry, Richmond Premium 4, Richmond Superslim Air 4, Richmond Superslim Cherry - на 4,8% да Br22 тыс.
Акрамя таго, на кастрычнік усталяваныя кошты на цыгарэты, якія раней у Беларусі не прадаваліся. У прыватнасці, устаноўлены кошт цыгарэт Winston XSence Club Blue і Winston XSence Club Silver - на ўзроўні Br14 тысяч рублёў.
Беларускія вытворцы ды імпарцёры цыгарэт маюць права штомесяц дэклараваць максімальныя раздробныя кошты на цыгарэты. Папярэдні раз цыгарэты даражэлі напачатку верасня - на 1,9-4,3%.