Кампанія Microsoft распавяла аб кампутарах будучыні

Ключавыя новаўвядзенні - бескантактавы інтэрфэйс і кіраванне жэстамі.

На думку даследчыкаў з Microsoft, з часам кіраванне з дапамогай жэстаў можа дапоўніць стандартныя прылады ўводу, аднак наўрад ці іх заменіць. Цяпер распрацоўнікі спрабуюць зразумець, як новая тэхналогія можа дапоўніць звыклыя спосабы ўзаемадзеяння з кампутарам найбольш камфортным чынам.

Microsoft падняла заслону з аднаго са сваіх даследчых праектаў у сферы інтэрфэйсаў для карыстальнікаў - спосабаў узаемадзеяння чалавека з вылічальнай сістэмай, паведамляе Cnews.ru.

У прыватнасці, кампанія прапанавала пазнаёміцца з яе бачаннем таго, як для кіравання кампутарам на базе Windows можа выкарыстоўвацца кантролер Kinect. Выпушчаны ў 2010 годзе Kinect дазваляе кіраваць гульнявой прыстаўкай Xbox з дапамогай жэстаў і перамяшчэння ў прасторы.

Перш за ўсё, сцвярджаюць у Microsoft, кіраванне жэстамі, якое рэалізавана з дапамогай Kinect, не павінна замяняць звыклага кіравання маніпулятарам і клавіятурай, а павінна дапаўняць яго. У гэтым падыход софтавага гіганта адрозніваецца, напрыклад, ад падыходу кампаніі Leap Motion, якая ў 2010 годзе паказала, як тэхналогія кіравання жэстамі, цалкам замяняе звыклыя сродкі ўводу.

«Жэсты не дазваляюць дамагчыся высокай дакладнасці. Для гэтага добра падыходзяць сэнсарны экран і маніпулятар», - перакананая старэйшая даследчыца ў Microsoft Research Эбігэйл Селен ( Abigail Sellen).

Усталяваўшы над маніторам кантролер Kinect, даследчыкі навучылі сістэму распазнаваць групу стандартных жэстаў, якія карыстальнік выконвае рукамі. Гэтыя жэсты былі прызначаныя на прагортванне старонак у вэб-браўзэры, адкрыццё спісу актыўных дадаткаў і выклік панэлі пошуку ў Windows 8.

У групу жэстаў, на распазнанне якіх быў настроены Kinect, увайшлі: рух пэндзля налева і направа, перагортванне пэндзля далонню ўверх, а таксама жэст, які нагадвае рух, якім карыстальнік спрабуе нешта прыцягнуць да сябе.

Таксама былі распрацаваныя жэсты, якія выконваюцца пальцамі: набліжэнне і выдаленне малюнка на экране і прагортванне старонак.

Мэтай праекта з'яўляецца пошук адказу на пытанне, якія жэсты могуць дапоўніць клавіятуру і мыш замест таго, каб замяніць іх, падкрэсліла Селен. «Нашая сістэма не патрабуе, каб карыстальнік выконваў якія-небудзь дзеянні вельмі дакладна, а таксама каб ён увесь час трымаў рукі над сталом», - сказала яна.

Пазіцыя Селен таксама не супадае з іншым даследчыкам з Microsoft Research Эндзі Ўілсанам ( Andy Wilson ), які мяркуе, што з часам клавіятура стане гістарычным аксэсуарам.

Пакуль даследнікі з Microsoft экспэрыментуюць з жэстамі. Сістэме не заўсёды атрымоўваецца іх распазнаць.

«Важна зразумець, - адзначае Селен, - якія жэсты для карыстальнікаў з'яўляюцца найбольш натуральнымі». Гэта – адна з галоўных мэтаў праекта, дадала яна, паказваючы на тое, што людзям цяжка змяніць свае звычкі, у тым ліку, што да працы з кампутарам.

Мяркуецца, што ў будучыні Microsoft можа ўкараніць функцыю кіравання жэстамі ў якасці стандартнай магчымасці ў сваіх аперацыйных сістэмах.

Раней Microsoft неаднаразова дэманстравала бескантактавыя інтэрфэйсы, якія дазваляюць кіраваць вылічальнай сістэмай з дапамогай перамяшчэння рук у прасторы. Адзін з заснавальнікаў Microsoft Біл Гейц (Bill Gates), якога ўважаюць за бацьку кампутарнай рэвалюцыі, мяркуе, што бліжэйшыя гады ўзаемадзеянне чалавека з кампутарам узыдзе на новы ўзровень.

Дадамо, што з 2014 найбуйнейшы вытворца працэсараў Intel плануе абсталёўваць усе ноўтбукі тэхналогіяй кіравання з дапамогай жэстаў.