Шведскі рэжысёр прадставіў перфоманс з беларускімі сіротамі

Унікальны перфоманс «Дом» прадставілі ў Брэсце выхаванцы Лідскага дзіцячага дома.

Ён быў зроблены разам з прафесійнымі харэографамі з Беларусі, Украіны і Малдовы. У аснову пастаноўкі ляглі дзіцячыя разважанні пра тое, што такое дом, піша «Ежедневник».

«Дом, гэта тое, што тычыцца кожнага з нас. Дом - гэта тое месца, якое кожны з нас шукае ў гэтым жыцці. Існуе меркаванне, што ў дзяцей, якія жывуць у дзіцячым доме, няма дома. Гэта не так. Проста яны ўяўляюць сабе дом не так, як мы», - тлумачыць ідэю спектакля рэжысёр-пастаноўшчык спектакля, харэограф са Швецыі Бэна Ваархам.

Тлумачыцца на мове цела дзяцей на працягу трох тыдняў вучылі прафесійныя танцоўшчыкі з Беларусі, Украіны і Малдовы, пад кіраўніцтвам Бэна Ваархама і шведскага музейнага педагога Мадлен Бекман.

Прэм'ера пластычнага спектакля адбылася 13 верасня ў Лідзе. Пасля гэтага «Дом» адправіўся на гастролі па гарадах Беларусі. Брэсцкія гледачы ўбачылі перфоманс 26 верасня. Апошнімі пазнаёмяцца з адзінай у сваім родзе пастаноўкай Гродна і Шчучын.

Па словах суарганізатара праекта «Дом» у Беларусі Аляксандра Цебянькова, больш гэты перфоманс беларускія гледачы не ўбачаць. «Шанцаў убачыць спектакль яшчэ раз, хутчэй за ўсё, няма. Па многіх прычынах. Але я думаю, што гэты праект усё роўна застанецца ў сэрцах дзяцей. Зараз яны пакуль яшчэ не вельмі разумеюць, у чым яны ўдзельнічаюць. А потым, напэўна, будуць успамінаць гэта як яркую падзею ў іх жыцці», - адзначыў Аляксандр Цебянькоў.

«Дом» - маштабны міжнародны праект, які аб'ядноўвае Беларусь, Украіну і Малдову і задзейнічае выхаванцаў дзіцячых дамоў. Стартаваў праект у Малдове ў 2012 годзе, затым харэографы працавалі з дзецьмі з Украіны. Беларусь стала заключным этапам рэалізацыі праекта.

Фінансавую падтрымку аказалі Шведскі інстытут і Шведская паштовая латарэя.