У смерці Ігара Пцічкіна абвінавачваюць фельчара «Валадаркі»
30- 27.09.2013, 13:40
- 31,190
У дачыненні да медыцынскага работніка СІЗА-1 узбуджаная крымінальная справа.
У дачыненні да фельчара СІЗА-1 (г. Менск), які дзяжурыў у ноч смерці Ігара Пцічкіна, распачатая крымінальная справа па частцы 2 артыкула 162 Крымінальнага кодэкса Рэспублікі Беларусь (неналежнае выкананне прафесійных абавязкаў медыцынскім работнікам, што пацягнула па неасцярожнасці смерць пацыента), піша «Платформа».
У выпадку, калі віна фельчара Крылова А.В. будзе даказаная, яму можа пагражаць да 5 гадоў пазбаўлення волі.
Нагадаем, што менчук Ігар Пцічкін памёр у СІЗА-1 4 жніўня 2013 года. Смерць Ігара наступіла пасля 4 дзён, праведзеных ім у СІЗА.
У цяперашні час Маскоўскім раённым аддзелам Следчага камітэта Рэспублікі Беларусь вядзецца праверка па факце смерці Ігара Пцічкіна. 4 верасня 2013 года тэрміны правядзення праверкі падоўжаныя да 4 лістапада 2013 года. Да цяперашняга часу родным так і не вядомая афіцыйная прычына смерці Ігара. Па адной з версій, Ігар Пцічкін быў збіты групай для падаўлення беспарадкаў у СІЗА.
Фота: «Радыё Свабода»