Жыхарка Канады выпадкова перамагла ў марафоне

У Антарыё адна з удзельніц марафону перамагла ў забегу праз памылку на павароце.

Мерыдыт Фіцморыс, якая планавала прабегчы толькі палову дыстанцыі, пераблытала павароты і ў выніку дабралася да фінішу, піша The Ottawa Citizen.

Фіцморыс распавяла, што пастанавіла прабегчы паўмарафон (21 кіламетр і 97,5 метра), каб падрыхтавацца такім чынам да ўдзелу ў паўнавартасным марафоне ў Дэтройце. Але падчас забегу яна забавілася, бо слухала музыку.

Пасля таго, як канадка выявіла, што бяжыць не туды, яна запыталася ў прадстаўнікоў аргкамітэта, ці залічыцца ёй фініш, калі яна першапачаткова зарэгістравалася толькі на паўмарафона, піша korrespondent.net.

У выніку Фіцморыс абагнала ўсіх канкурэнтаў і фінішавала першай. Яна пераадолела дыстанцыю ў 42 кіламетры 195 метраў за тры гадзіны, 11 хвілін і 48 секунд.

Пасля марафону канадка прызналася, што ў нейкі момант проста наважыла бегчы і ўжо не здавацца. Пры гэтым яна падкрэсліла, што апошнія кіламетры дыстанцыі даліся ёй надзвычай цяжка.

Нагадаем, у снежні мінулага года жыхар ЗША Кейт Лівасэр пераадолеў дыстанцыю ў 42 км 195 м у шлапаках-в’етнамках. На пераадоленне марафону яму спатрэбілася 2 гадзіны 47 хвілін.

Фота: ottawacitizen.com