Беларускія мытнікі затрымалі 13 польскіх фур

МЗС Польшчы дамагаецца вяртання фур, канфіскаваных беларускай мытняй.

Канфлікт праз іх працягваецца з жніўня, паведамляе радыёстанцыя RMF FM.

Менавіта тады беларуская мытня арыштавала 13 польскіх грузавікоў. Яны належаць розным перавозчыкам. Дзесяць з іх знаходзяцца на Берасцейскай мытні, тры - на Магілёўскай.

Беларускія ўлады абвінавачваюць палякаў у незаконных транспартных перавозках па тэрыторыі нашай краіны. Са словаў уладальнікаў фур, абвінавачванні з'яўляюцца беспадстаўнымі.

Улады Польшчы ўжо накіравалі некалькі лістоў з пратэстам, але адказу на іх да гэтага часу не атрымалі.

Фота: RMF FM