Фігурантам «адвакацкай справы» прад'явілі абвінавачванне
- 30.09.2013, 13:45
- 14,595
Два менскія адвакаты і дырэктар фірмы заключаныя пад варту.
Пра гэта паведамілі ў Следчым камітэце Беларусі, перадае «Інтэрфакс».
«Атрыманыя праваахоўнымі органамі доказы з'явіліся падставай для прад'яўлення траім падазраваным абвінавачвання ў здзяйсненні злачынства, прадугледжанага ч. 5 арт. 16 і ч. 2 арт. 431 (Саўдзел у дачы хабару ў буйным памеры) Крымінальнага кодэкса Беларусі», - паведамілі ў аддзеле інфармацыі і сувязі з грамадскасцю СК.
Упращленнем СК па Менску праводзіцца расследаванне крымінальнай справы, распачатай КДБ у дачыненні да загадчыцы і адваката юрыдычнай кансультацыі, а таксама дырэктара камерцыйнага прадпрыемства.
«Грашовыя сродкі ў суме $10 тыс. былі атрыманыя абвінавачанымі на падставе наступнай перадачы службовым асобам праваахоўных органаў за спрыяльнае вырашэнне пытання аб узбуджэнні крымінальнай справы», - сказалі ў аддзеле інфармацыі і сувязі з грамадскасцю СК.
Нагадаем, загадчыца юрыдычнай кансультацыі N1 Савецкага раёна Менска Наталля Целяжэвіч і яе калега былі затрыманыя ў канцы пазамінулага тыдня. Як паведаміў супрацоўнік адвакатуры, які пажадаў застацца неназваным, падчас ператрусу ў названых асобаў знойдзеная буйная сума грошай.