Алімпійскі канібалізм
22- 15.01.2014, 13:16
- 20,572
Да крытыкі Алімпіяды ў Сочы, разам са спартсменамі і палітыкамі, далучыўся чалавек з «унутранага круга МАК».
Пра гэта паведамляе Frankfurter Allgemeine Zeitung, прыводзячы цытаты з інтэрв'ю, якое швейцарскай вяшчальнай карпарацыі SRG даў член каардынацыйнай камісіі па правядзенні Алімпіяды-2014, прэзідэнт Міжнароднай федэрацыі лыжнага спорту (FIS) Джанфранка Каспер, піша Inopressa.ru.
«Са сваім запалам да гігантызму» алімпійскі рух «сам сябе зжарэ», выказаўся Каспер, разважаючы пра дух Гульняў у Сочы. Алімпіяда, на яго думку, абяцае быць «халоднай, бессардэчнай». Кіраўнік FIS усумніўся ў правільнасці выбару месца для правядзення зімовых Гульняў: «Нельга сказаць, што Сочы жыве зімовымі відамі спорту».
Каля траціны бюджэту Алімпіяды прыпадае на карупцыйны складнік, выказаў здагадку Каспер, хоць і прызнаў, што яго ацэнка заснаваная не на афіцыйных лічбах, а на ходкай інфармацыі. Суразмоўца SRG казаў, у прыватнасці, пра «будаўнічую мафію», адзначыўшы, што «дагаворы даставаліся людзям, якія здолелі ўцерціся ў давер». Frankfurter Allgemeine Zeitung тлумачыць, што гаворка ішла аб фаварытах прэзідэнта Расеі Уладзіміра Пуціна і Крамля.
Фота: РІА «Новости»