Папугай Яша сабраўся на «выбары»
96- 17.01.2014, 8:43
- 48,985
Гамяльчанін вылучыў папугая кандыдатам у «дэпутаты» мясцовага савета.
Дэмакратычны актывіст Кансатнцін Жукоўскі падаў дакументы на рэгістрацыю ініцыятыўнай групы па вылучэнні кандыдатам у дэпутаты свайго папугая Яшы.
Што самае цікавае, сакратар камісіі Мазураўскай выбарчай акругі №19 па выбарах у Гомельскі абласны савет прыняла дакументы, піша БелаПАН.
«Праблема адсутнасці пашпарта грамадзяніна Беларусі была вырашана пры дапамозе «Фоташопа» - у копію свайго пашпарта я ўставіў фотаздымак Яшы. Мой папугай даўно марыў стаць дэпутатам. І дзеля сваёй мары навучыўся казаць некалькі фраз: «Дзе грошы?», «Ярмошына», «Хачу ў палатку». Дэпутату больш і не трэба ведаць. Перадвыбарная праграма - «Яша добры», - сказаў Жукоўскі.
Паводле яго слоў, сакратара камісіі не збянтэжыў фотаздымак папугая.
«Калі ёсць копія пашпарта, то хоць свінню можна намаляваць, а як паказвае сённяшні выпадак, то і зарэгістраваць», - заявіў актывіст.
Адразу пасля гэтага актывіст забраў дакументы, патлумачыўшы гэта тым, што пераблытаў іх.