Аднакласнік Саладухі: Саня, прыязджай да нас на Майдан (Відэа)

Беларускага спевака клічуць выступіць у Кіеве.

З прапановай прыехаць ва Украіну да Аляксандра Саладухі звярнуўся былы аднакласнік Сяргей Куленка. Сам ён знаходзіцца цяпер у Кіеве, паведамляе тэлеканал «Белсат».

«Саня! Я - Сяргей Куленка, калі ты памятаеш мяне. У мяне яшчэ валасы на галаве ёсць, а ў цябе няма, з чым цябе і віншую. Я вельмі рады і ганаруся табой, што я з табой вучыўся. Класна спяваеш! Ты - малайчына! Я думаў, ты баскетбалістам станеш, а ты заспяваў, - сказаў ён. - «Саня Саладуха! Малайчына! Давай прыязджай на Майдан! Праспявай песню!»

Былы аднакласнік Саладухі распавёў, што ў школе спявак нядрэнна гуляў у баскетбол, а свайго жадання прысвяціць сябе музыцы не афішаваў.