На Месяцы заўважылі «карабель прышэльцаў»

Віртуальныя археолагі зрабілі чарговае адкрыццё. На гэты раз на Месяцы.

Разгледзелі на ёй ці то нейкі будынак, ці то велізарны касмічны карабель. Знаходка - на рахунку даследчыка, які хаваецца пад нікам WowForReeelIs. Ён выявіў аб'ект з дапамогай сэрвісу Google Moon, піша «Комсомольская правда».

Google Moon працуе так жа, як і Google Earth. Быў запушчаны ў 2009 годзе да саракагоддзя першай высадкі амерыканцаў на Месяц. Дазваляе разглядаць участкі паверхні нашага натуральнага спадарожніка ў вельмі добрым ракурсе дзякуючы здымкам, зробленым у розны час рознымі апаратамі, якія набліжаліся да Месяца або знаходзіліся на ягонай арбіце.

Аб'ект размешчаны ў месцы з каардынатамі 22042'38.46 N and 142034'44.52 E. Выглядае вялікай літарай «V», на якой можна налічыць сем нейкіх колаў. Яны святлей, чым сама літара, падобныя на ілюмінатары або вокны. І быццам бы свецяцца.

Аб'ект - буйны. Раскінуўся на некалькі сотняў метраў. І магчыма, часткова занесены пылам.

НАСА ніяк не каментуе знаходку. Археолагі ж нагадваюць, што на Месяцы ўжо знойдзена шмат чаго незразумелага. З нядаўніх адкрыццяў, да прыкладу, «база іншапланецян», выяўленая ў кратары Кабеўс на Паўднёвым полюсе нашага натуральнага спадарожніка. Яе заўважылі на фота, якое ляжала пад рукой супрацоўніка НАСА, занятага ў праекце бамбардзіроўкі Месяца. Яе бамбілі ў 2009 годзе.