«Рэгіяналы» бягуць з Кіева
31- 25.01.2014, 19:26
- 8,073
Народны дэпутат Партыі рэгіёнаў Вадзім Калеснічэнка праз падзей у Кіеве вывозіць з Кіева сваю сям'ю.
Пра гэта ён распавёў на ток-шоу «Спрэчная тэрыторыя» ў эфіры крымскага канала ТБ FM (ТРК «Неапаль»), перадае Цензор.НЕТ са спасылкай на ТСН.
Дэпутат распавёў, што «ганарыцца» законам «Аб судовым ладзе і статусе суддзяў», які з'яўляецца «класічнай еўрапейскай рэдакцыяй». «Дзякуючы гэтым еўраінтэгратарам, гэтым еўрапейскім (тут Калеснічэнка рукамі паказаў двукоссі), цяпер ахова вывозіць маю сям'ю з Кіева, таму што жыць там стала немагчыма, - заявіў Калеснічэнка. - Таму што такія еўраінтэгратары прыходзяць дадому, каб запалохаць. Дык вось што я вам скажу - не дачакаецеся. Усё роўна мяне ніхто не запалохае і вы не прымусіце мяне змяніць сваё меркаванне».
Адзначым, што Вадзім Калеснічэнка з'яўляецца адным з аўтараў скандальных законапраектаў. У прыватнасці, «Аб унясенні змяненняў у закон Украіны «Аб судовым ладзе і статусе суддзяў» і працэсуальных законаў адносна дадатковых мер бяспекі грамадзян».
Нагадаем, у мінулы чацвер Вярхоўная Рада шляхам ўзняцця рук і без падліку галасоў спрасціла працэдуру пазбаўлення дэпутатаў недатыкальнасці, ўвяла завочнае судаводства і ўзмацніла адказнасць за любыя формы ўдзелу ў акцыях пратэсту.
Дэпутаты ад кіруючай Партыі рэгіёнаў і фракцыі камуністаў таксама ўвялі крымінальную адказнасць за паклёп і экстрэмісцкую дзейнасць. Галасаванне за законы, што аслабляюць апазіцыю, суправаджалася бойкамі паміж дэпутатамі.
Украінская апазіцыя сцвярджае, што «законы пра дыктатуру» прынятыя з парушэннем працэдуры, назваўшы тое, што адбылося ў парламенце дзяржаўным пераваротам.