Калумбіец з дзецьмі запісаў «вясёлыя» каверы Depeche Mode (Відэа)
6- 26.01.2014, 17:25
- 3,370
Публіцыст і прадзюсар Дзікен Шрэдар, які жыве ў Калумбіі, палюбіў музыку гурта Depeche Mode яшчэ ў юнацтве.
Зараз ён выконвае гэтыя песні разам са сваімі дзецьмі. Прычым у ход у іх ідуць часам вельмі незвычайныя інструменты - ад дзіцячага ксілафона да пластыкавых бутэлек і бляшанак, піша DELFI.lv.
Запісваць кавер-версіі папулярнага брытанскага калектыву Дзікен, яго дачка Міла і сын Карбен пачалі ў 2010 годзе.
«Мой тата заўсёды хацеў стварыць гурт, але ў яго толькі дзве рукі, таму ён папрасіў нас дапамагчы», - кажа Карбен. Міла ж вельмі ганарыцца сямейнай творчасцю і хоча, каб як мага больш людзей убачылі і пачулі іх намаганні. І ў мінулым годзе пра DMK (назва ўтворана з пачатковых літар іх імёнаў), як сябе называе гэта не зусім звычайнае трыо, пра іх даведаліся мільёны.
«Многія думаюць, што Depeche Mode - змрочны гурт, вельмі змрочны, і дзіўна бачыць дзяцей, якія граюць на цацачных інструментах, але гэта надае музыцы пацешнае гучанне», - кажа заснавальнік калектыву і бацька сямейства.
На гэты момант у DMK ёсць 6 кавер-версій песень Depeche Mode, а ў сям'і тым часам падрастае яшчэ адна будучая ўдзельніца - у мінулым годзе ў Дзікена нарадзілася трэцяе дзіця, дачка Лола, якая ўжо спрабуе асвойваць свае першыя інструменты. Многія карыстальнікі Інтэрнэту ўпэўненыя, што Дзікен варты звання лепшага бацькі года.