Менчук знайшоў у кватэры сем выбуховых прылад

Сем самаробных выбуховых прылад, тры з якіх былі начыненыя металічнымі балтамі, выяўленыя ў менскай кватэры, якую здымаюць студэнты.

Прылады былі выяўленыя яшчэ 11 студзеня 2014 года, але пра інцыдэнт да гэтага часу ўлады лічаць за лепшае не распаўсюджвацца, каб не згушчаць фарбы. Аднак некаторая інфармацыя ўсё ж пратачылася, піша «Ежедневник».

Як атрымалася высветліць, выбуховыя прылады знайшоў гаспадар кватэры, які здаваў жыллё двум студэнтам Менскага дзяржаўнага архітэктурна-будаўнічага каледжа.

Раніцай у суботу, калі студэнты раз'ехаліся па дамах у рэгіёны, гаспадар прыйшоў у кватэру і са здзіўленнем выявіў там гатовыя да ўжывання сем самаробных выбуховых прылад. Уладальнік кватэры патэлефанаваў у міліцыю і паведаміў аб сваёй знаходцы. На месца здарэння была накіраваная група размінавання СПБТ «Алмаз», а таксама аператыўнікі Галоўнага ўпраўлення па барацьбе з арганізаванай злачыннасцю і карупцыяй МУС.

Пры аглядзе выбуховых прылад было ўстаноўлена, што яны гатовыя да ўжывання. Згодна з заключэннем экспертаў, прылады ўяўлялі сабой паветраныя шары, напоўненыя петардамі завадской вытворчасці, цукрам для ўзмацнення сілы выбуху, а таксама паражальнымі элементамі. У чатырох прыладах у якасці паражальных элементаў знаходзіўся гарох, а ў трох - металічныя балты, якія ўжо казалі пра сур'ёзнасць намераў вытворцаў.

Аб моцнай магутнасці СВУ казаць не даводзіцца, але калецтва людзям яны цалкам маглі прычыніць.

Аператыўнікамі тут жа былі затрыманыя студэнты, якія вырабілі СВУ. Аднаму з іх толькі споўнілася 18 гадоў, а другому нядаўна стукнула 20.

Як патлумачылі хлопцы, яны зусім не хацелі падрываць падрыхтаваныя прылады ў месцах збору людзей і тым больш не мелі намер здзяйсняць тэракт. Па іх словах, і металічнымі балтамі яны начынілі СВУ толькі для таго, каб паглядзець, як яны будуць паражаць дрэвы ў лесе.

Аднак па папярэдніх дадзеных, у дзеяннях двух менскіх студэнтаў пакуль сапраўды не было нічога, што пагражала б жыццю і здароўю іншых грамадзян. Па крайняй меры, нідзе пра свае намеры правесці тэракт яны не распаўсюджваліся.

Тым не менш, цяпер па справе праводзяцца дадатковыя праверачныя мерапрыемствы.

Цікава, што выраб СВУ ўнутры дэкаратыўных цацак і шароў даволі распаўсюджаны сярод тэрарыстаў. Гэта дазваляе добра замаскіраваць выбуховыя прылады.

Фота з архіва