Еўрапейскія палітыкі сустрэліся з эмісарам Макея

Намесніца міністра замежных спраў Беларусі Алена Купчына правяла перамовы ў Брусэлі.

Цэнтральным элементам візіту стаў афіцыйны пачатак перамоваў паміж Рэспублікай Беларусь і Еўрапейскай камісіяй у пагадненнях аб спрашчэнні візавых працэдур і рэадміссіі, паведамляе прэс-служба МЗС.

Алена Купчына правяла шэраг сустрэч у Еўрапейскай камісіі (ЕК), Еўрапейскай службе знешніх дзеянняў (ЕСЗД) і Еўрапейскім парламенце (ЕП). На сустрэчы з генеральным дырэктарам генеральнага дэпартамента ўнутраных спраў ЕК Стэфана Мансэрвізі была ўдакладненая мадальнасць перамоваў, наступны раўнд якіх запланаваны на сакавік гэтага года ў Менску.

Намесніца кіраўніка МЗС абмеркавала з Еўрапейскім камісарам у пашырэнні і Еўрапейскай палітыцы суседства Штэфанам Фюле і дырэктарам дэпартамента Расеі, Цэнтральнай Азіі, рэгіянальнага супрацоўніцтва і АБСЕ ЕСЗД перспектывы беларуска-еўрапейскага дыялогу і практычнага ўзаемадзеяння паміж Беларуссю і Еўрапейскім звязам, у тым ліку ўдзел Беларусі ва «Усходнім партнёрстве» і тэхнічнае супрацоўніцтва.

«Дасягнутая дамоўленасць аб пачатку кансультацый паводле пытанняў мадэрнізацыі ў мэтах вызначэння найлепшай формы будучага супрацоўніцтва паміж урадам Беларусі і Еўрапейскім звязам у гэтай сферы ў адпаведнасці з параграфам 29 выніковай дэкларацыі Віленскага саміту Усходняга партнёрства», - гаворыцца ў паведамленні.

Прадметам перамоваў Купчыной з віцэ-прэзідэнтам Еўрапарламента Яцэкам Пратасевічам і кіраўніком дэлегацыі ЕП у сувязях з Беларуссю Філіпам Качмаракам сталі адносіны Беларусі з Еўрапейскім парламентам.