З Гідраметцэнтра звольненыя 370 чалавек

Супрацоўнікі гідраметэаралагічнай службы трапілі пад скарачэнне.

Пра гэта распавёў начальнік упраўлення гідраметэаралагічнай дзейнасці Міністэрства прыродных рэсурсаў і аховы навакольнага асяроддзя Ігар Рагозін. Скарачэнне персаналу адбылося ў адпаведнасці з указам Лукашэнкі №168 ад 12 красавіка 2013 года «Аб некаторых мерах па аптымізацыі сістэмы дзяржаўных органаў і іншых дзяржаўных арганізацый, а таксама колькасці іх работнікаў» і рашэннем урада, піша БелаПАН.

Скарачэнні закранулі адміністрацыйна-кіраўніцкі персанал і саму сетку метэастанцый і гідралагічных пастоў. Акрамя таго, скарочаная пэўная колькасць выкананых службай відаў работ.

Ён падкрэсліў, што скарачэнне гідраметэаралагічнай службы - «дастаткова сур'ёзнае і складанае пытанне», паколькі Беларусь узяла на сябе шэраг абавязацельстваў у рамках Сусветнай метэаралагічнай арганізацыі і іншых міжнародных структур.