Роскамнагляд вынес папярэджанне «Новай газеце» за «экстрэмізм»

Прэтэнзіі ведамства выклікаў артыкул журналісткі Юліі Латынінай.

Роскамнагляд вынес рэдакцыі і заснавальніку «Новай газеты» пісьмовае папярэджанне аб недапушчальнасці выкарыстання сродкаў масавай інфармацыі для правядзення экстрэмісцкай дзейнасці. Аб гэтым паведамляецца на сайце ведамства.

Прэтэнзіі ведамства выклікаў артыкул журналісткі Юліі Латынінай. У публікацыі ад 10 верасня ёсць шэраг нібыта недапушчальных выказванняў аб «асаблівай рускай культуры».

Узбуджэнне сацыяльнай, расавай, нацыянальнай, рэлігійнай ці моўнай прыналежнасці або стаўленне да рэлігіі забаронена законам «Аб супрацьдзеянні экстрэмісцкай дзейнасці», заявілі ў ведамстве.

Паводле закону, калі выданне атрымае другое папярэджанне ў плыні 12 месяцаў, то Роскамнагляд будзе мець права падаць пазоў у суд аб пазбаўленні сродку СМІ рэгістрацыі.