Заўтра ў Беларусі - да мінус 11°C
- 25.10.2014, 20:56
- 26,347
Наступ халадоў на Беларусь працягваецца.
Нават слабы паўднёвы вецер наўрад ці ўзрадуе жыхароў Беларусі ў апошні дзень тыдня: на тэрыторыі краіны чакаецца халоднае надвор'е, слупок тэрмометра будзе перасякаць нулявую адзнаку толькі ў дзённыя гадзіны, піша «Інтэрфакс».
Як паведамляе сайт Рэспубліканскага гідраметэацэнтра www.pogoda.by, у нядзелю па ўсёй тэрыторыі Беларусі ападкаў не чакаецца, будзе панаваць пераменная воблачнасць. Начная тэмпература паветра складзе -2...-8 градусаў, па ўсходзе чакаецца да -11 градусаў. Удзень паветра прагрэецца да +2 градусаў на ўсходзе рэспублікі і да +9 градусаў на паўднёвым захадзе.
У абласных цэнтрах надвор'е будзе такім:
Менск - дзённая тэмпература паветра + 4...+ 6 градусаў;
Берасце - дзённая тэмпература паветра +7...+ 9 градусаў;
Віцебск - дзённая тэмпература паветра + 2...+ 4 градуса.
Гомель - дзённая тэмпература паветра + 2...+ 4 градуса;
Гародня - дзённая тэмпература паветра + 4...+ 6 градусаў;
Магілёў - дзённая тэмпература паветра + 2...+ 4 градуса.
Паступленне больш цёплых паветраных мас з Заходняй Еўропы на тэрыторыю Беларусі чакаецца толькі ў панядзелак.