Ахлабысцін: Замуравалі дэманы
49- 26.10.2014, 11:18
- 39,732
Скандальны актор пракаментаваў забарону на ўезд у Латвію.
Расейскі актор Іван Ахлабысцін 7 лістапада павінен быў выступаць у рыжскім Доме кангрэсаў з «Духоўнымі гутаркамі».
Аднак кіраўнік МЗС Латвіі Эдгар Рынкевічс у пятніцу ўвечары ўнёс Ахлабысціна ў спіс неўязных у краіну асоб. «Я прыняў пастанову абвясціць непажаданай персонай у Латвіі Івана Ахлабысціна, прымаючы пад увагу выступленні, якія расцэньваюцца як распальванне этнічнай нянавісці», - напісаў ён у сваім мікраблогу ў Twitter.
У адказ адыёзны актор папрасіў прабачэння перад тымі, з кім павінен быў гутарыць: «Хачу папрасіць прабачэння перад рыжанамі за скасаванне «Духоўных гутарак» у Доме Кангрэсаў. Замуравалі дэманы.) Абяцаю - яшчэ пагутарым», - напісаў ён у сваім Twitter.
А потым працягнуў у сацсетцы «Вконтакте»: «Нечакана Латвійскае МЗС ачухалася і зразумела, што ў Латвіі поўна расейцаў і яны ўпарта працягваюць сябе такімі лічыць. А тут яшчэ і Ахлабысцін прыедзе размаўляць пра расейцаў. Жудасць. Мала таго, вы не паверыце - што Ахлабысцін, што большая частка расейцаў не шануе творчасць Канчыты Вудс. Карацей кажучы: бардак! Трэба забараняць неадкладна, - напісаў ён у сваім запісе. - Ахлабысцін - зразумелая справа не святы, але Канчыту Вудс яму дараваць нельга, а лішні напамін расейцам, што яны расейцы, наогул пагражае змрочнымі наступствамі».
«Хто яны такія, каб праводзіць мерапрыемствы на расейскай мове? Ды яшчэ пра жыцці маюць нахабства мець меркаванне. Так і міма еўразвязаўскіх пячэнек праляцець можна. Няма з чым будзе шпроты жэрці», - сказаў на заканчэнне свой спіч Ахлабысцін.