Грабоўскі адзначыў вяртанне на лёд пераможным матчам над «Даласам»

Беларускі форвард «Нью-Ёрк Айлэндэрс» Міхаіл Грабоўскі вярнуўся на лёд пасля траўмы і дапамог «жыхарам выспы» перамагчы «Далас».

У чарговай сустрэчы рэгулярнага чэмпіянату НХЛ хакеісты «Айлэндэрс» прымалі мінулай ноччу (паводле беларускага часу) на сваёй арэне «Насаў Калізеум» гасцей з «Далас Старз» і атрымалі перамогу з лікам 7: 5. Міхаіл Грабоўскі зарабіў два дзейсныя балы, стаўшы асістэнтам Франса Нільса, які закінуў дзве шайбы запар, зрабіўшы лік 5: 4 і 6: 4. Цяпер у актыве Міхаіла Грабоўскага 5 балаў (2 + 3) па сістэме «гол + пас», паведамляе БелТА.

Беларускі нападнік атрымаў траўму 16 кастрычніка падчас жорсткага сутыкнення з форвардам «Сан-Хасэ Шаркс» Джонам Скотам. Беларус тады пакінуў пляцоўку ўжо ў першым перыядзе і з тых часоў не гуляў, у яго падазраваць страсення мозгу.

Пасля васьмі праведзеных матчаў «Нью-Ёрк Айлэндэрс» займае 2-е месца ва Усходняй канфэрэнцыі, набраўшы 12 ачкоў (розніца шайб - 32-27), а ў лідэруючага «Манрэаля» на 2 балы больш.

Да канца першага месяца рэгулярнага чэмпіянату НХЛ каманду Грабоўскага яшчэ чакаюць паядынкі з «Вініпег Джэтс» (28 кастрычніка, дома) і «Каларада Эвеланш» (30 кастрычніка, у гасцях).