Улады КНДР пагражаюць абстраляць тэрыторыю Паўднёвай Карэі

Паўночнакарэйскія ўлады прыраўнялі запуск паветраных шароў з улёткамі да абвяшчэння вайны.

Пхеньян прыгразіў абстраляць месцы, адкуль у бок КНДР паўднёвакарэйскія актывісты запусцілі паветраныя шары з прапагандысцкімі ўлёткамі, у якіх крытыкуецца карупцыя і парушэнні правоў чалавека ў гэтай краіне, паведамляе ТАСС са спасылкай на агенцтва Рэнхап.

Пхеньян запатрабаваў спынення запуску паветраных шароў і прыраўнаваў гэта дзеянне да «аб'яўлення вайны». Сеул мяркуе, што грамадскія арганізацыі паводле канстытуцыі маюць законнае права адпраўляць паветраныя шары. КНДР гатовая нават адмяніць міжкарэйскія перамовы на высокім узроўні, намечаныя на кастрычнік-лістапад, калі гэта не спыніцца.

Напалоханыя рэакцыяй Пхеньяна мясцовыя жыхары з Паўднёвай Карэі перашкаджаюць антыпхеньянскім актывістам, блакуючы ім пад'язныя шляхі, каб пазбегнуць правакацый. «Шкода вялікая. Мы не ў стане працаваць, калі вайскоўцы пры кожным выпадку запуску абвяшчаюць надзвычайную сітуацыю. Калі яны зноў паспрабуюць запусціць улёткі, мы зноў перашкодзім ім», - заявіў адзін з мясцовых жыхароў.

У пачатку кастрычніка адбыўся аналагічны выпадак з запускам паветраных шароў. Паўночнакарэйскія памежнікі расстралялі іх з зенітных кулямётаў, што напалохала паўднёвых карэйцаў, што пражываюць непадалёк.